Waxgarad iyo Odayaal ka soo jeeda gobolka Sh/Hoose ayaa wada dadaalo ku aadan sidii loo dhameyn lahaa xiisadaha colaadeed ee ka soo cusboonaaday degmada Aadan yabaal isla markaana u dhaxeeya beelo wada dega degmadaasi oo gobolka ka tirsan.
Colaada u dhaxeysa labadani beelood ayaa waxaa ay sababtay geerida illaa 5 ruux oo mid ay haween tahay, iyo dhaawaca seddex ruux oo kale, iyadoo dadka u badan reer guuraa ay ka barakaceen goobaha ay ka taagan tahay xiisadahani colaadeed.
Odayaasha, waxgaradka iyo culuma udiinka ee dhinacyadan ay colaadu u dhaxeyso ayaa baaq nabadeed u jeediyey dhinacyada iska soo horjeeda kuwaasoo colaadoodu ay salka ku heyso aargoosi qabiil.
Si kastaba ha ahaatee, colaadaha ka taagan qeybo ka mid ah gobolka Sh/Hoose ayaa iyagu maalinba mida ka dambeysa sii kordhaya, iyadoo ay isasoo tarayaan dilalka la xiriira aargoosi qabiilka. |
