Saaka ayaa ciidamada Ethiopia ee dhowaan gudaha u galay degmada Guriceel ee xarunta gobolka Galguduud ay isaga guureen xarumihii ay ka degeen degmadaasi iyagoo u ruqaan saday sida la sheegay gobolka Hiiraan.
Dadka fara ku tiriska ah ee ku haray gudaha degmada Guriceel ayaa saaka kormeero ku tagay xaafadihii dagaalad culus ay ka dhaceen intii ciidamada Ethiopia ay ku sugnaayeen gudaha gobolka Galguduud.
Intii ciidamada Ethiopia ay joogeen gudaha gobolka ayaa dagaal culus ku dhex maray xarunta gobolkaasi ciidamadaasi iyo xoogaga ka soo horjeeda, iyadoo dagaalkii ugu dambeeyey uu dhacay habeenkii xalay, isla markaana uu geestay qasaaraha dhimasho inta la ogyahay illaa 15-ruux oo rayid ah.
Dagaaladaasi ayaa qeyb ka ahaa dagaalada inta badan ay ku dhex maraan ciidamada Ethiopia iyo xoogaga hubeysan ee ka soo horjeeda joogitaankooda gudaha dalka Somalia gobolada dalka. |
